БИШКЕК, 30-июн. — Sputnik. Бишкекке Стамбулдан Turkish аirlines авиакомпаниясынын эки учагы учуп келгенин "Манас" аэропортунун маалымат катчысы Алия Курбанова билдирди.
Анын айтымында, биринчи каттам бейшемби күнү саат 06.28де келсе, 20 мүнөттөн кийин анын артынан дагы бир лайнер конгон.
Стамбулдагы "Ататүрк" аэропортундагы терактыдан улам ТК348 жана ТК344 каттамдары токтотулган. Белгиленген боюнча алар 29-июнь күнү эртең менен Кыргызстанга учуп келиши керек болчу.
Эскерте кетсек, шаршембиге караган түнү Стамбулдун аба майданында үч ирет болгон жарылуу 41 адамдын өмүрүн алып кетти, дагы 300дөн ашууну жарандар болгон. КРдин Тышкы иштер министрлигинин маалыматы боюнча жабыркагандардын арасында 18 жаштагы кыргызстандык жаран Бахтияр Юнусов бар. Учурда анын абалы туруктуу экени айтылууда.
