БИШКЕК, 25-июн. — Sputnik. Чыңгыз Айтматов атындагы Кино үйүндө белгилүү балдар хору тууралуу "Ак шоола. Көшөгө артында" аттуу тасманын бет ачары болорун Кинематография департаменти билдирди.
Маалыматка ылайык, 27 мүнөттүк тасма бүгүн, 25-июнда көрсөтүлөт. Мында хордун сахна артындагы күнүмдүк жашоосу чагылдырылып, мугалимдердин, ата-энелердин ырчы балдары, жалпы хор тууралуу маеги берилген.
Тасмага Чолпонай Бөрүбаева режиссерлук кылган.
Эскерте кетсек, өткөн жылдын соңу менен "Ак шоола" хору өзүнүн 30 жылдык мааракесин белгилеген.
