БИШКЕК, 23-июн. — Sputnik. Бишкек — Ош унаа жолунун 407-чакырымында "Stepwgn" унаасы "Honda Odyssey" менен кагышып, кырсыктан бир киши каза болду. Бул тууралуу ӨКМ билдирди.
Маалыматка ылайык, "Stepwgn" унаасында Ысык-Көл облусуна спорттук мелдешке баратышкан Жалал-Абад облусунун медициналык окуу жайынын кызматкерлери болгон. Окуядан "Stepwgn" унаасынын 46 жаштагы жүргүнчүсү каза болуп, бири учурда оор абалда реанимацияда жатат. Ал эми "Honda Odyssey" унаасынын айдоочусу жеңил жаракат алган.
Кырсыктан жабыркагандар Кара-Көл шаардык ооруканасына жаткырылды.
