БИШКЕК, 15-июн. — Sputnik. Жогорку Кеңештин төрагасы Чыныбай Турсунбеков депутат Максат Сабировго сары кагаз көрсөттү.
Ал Сабиров регламентти бузуп, эки жолу сүйлөгөнү үчүн эскертме берди.
“Депутат Максат Сабировго сары кагаз көрсөтүлөт. Ал эки жолу сүйлөдү”, — деди Турсунбеков.
Эске сала кетсек, парламентте депутаттардын кызматтык батирден баш тартуусу боюнча мыйзам долбоору каралып, Сабиров анын демилгечилердин бири болчу.
Сары кагаз футбол оюнунда колдонулат. Ал эреже бузган оюнчуга көрсөтүлөт. Эгер оюнчу эки ирет сары кагаз алса, оюндан четтетилет.
