БИШКЕК, 14-июн. — Sputnik. Коомдук телерадиокорпорациянын имаратында Жогорку Кеңештин депутаттары, ЖМК өкүлдөрү жана эл аралык уюмдардын катышуусу менен модернизацияланган кеңселердин ачылыш салтанаты болуп өттү. Бул тууралуу аталган телеканал маалымдады.
1970-жылдары салынган КТРК имаратын реконструкциялоо 2015-жылдын январында башталган.
Натыйжада кызматкерлердин Open Space форматындагы заманбап кеңселерде иш алып баруусуна мүмкүнчүлүк түзүлдү.
КТРКнын жетекчиси Илим Карыпбековдун айтымында, жарым кылымдан бери капиталдык ремонт жүргүзүлбөгөндүктөн, кабинеттер суук болуп, бир топ ыңгайсыздыктарды жаратып келген.
"Иштөө үчүн ыңгайлуу шарт түзүп берүү — башкы максат", — деди ал.
Компания айнек кеңселер КТРКнын коомдук канал катары ачык-айкындуулугуна багытталганын белгиледи.
