БИШКЕК, 13-июн. — Sputnik. Бишкек жана Ош шаарларын өнүктүрүү фонду түзүлөрү өкмөттүн "Бишкек жана Ош шаарларын өнүктүрүү фонддорун түзүү тартиби жөнүндөгү" токтомунун долбоорунда айтылат.
Долбоор жергиликтүү өзүн-өзү башкаруу жана этникалар аралык мамиле боюнча мамлекеттик агенттик тарабынан иштелип чыгып, коомдук талкууга коюлган. Фондду түзүү борбор калаа жана Ош шаарларынын статусу жөнүндөгү мыйзамдын алкагында ишке ашат.
"Фонддор Бишкек жана Ош шаарларынын социалдык-экономикалык жактан өнүгүүсүн камсыздоого багытталат. Анын ичинде шаардын негизги экономикалык багыттарын өнүктүрүү да кирет. Фонддун каражаты шаарды өнүктүрүү боюнча долбоорлорго салынган инвестициядан жана башка булактардан каралат", — деп айтылат документте.
Долбоордо жобону өкмөт иштеп чыгып, шаардык кеңештердин беките турганы белгиленген.
