БИШКЕК, 10-июн. — Sputnik. Кыргызстан алгачкы ирет "Miss Planet 2016" конкурсуна катышат.
Сулуулар конкурсу 18-26-сентябрь күндөрү Грузиянын Тблиси шаарында өтөт.
Аталган эл аралык сынакта Кыргызстандын намысын модель жана ырчы Айова Жумаева коргойт.
"Сынактын жүрүшүндө бардык катышуучулар өз өнөрлөрүн көрсөтөт. Ал эми мен Полина Гагаринанын "A Million Voices" ырын аткарып чыгам. Мындан сырткары, улуттук көйнөк кием", — деди Жумаева.
Ал учурда катышуучулардын так саны аныктала электигин айтып, былтыр бул сынакка 35 өлкө катышканын кошумчалады.
"Miss Planet 2016" — эл аралык сулуулар сынагы. Анда 20 өлкөдөн келген калыстар тобу сулууларды электен өткөрөт.
