БИШКЕК, 8-июн. — Sputnik. 35 жашка чейинки эркектер менен бардык жаштагы аялдар болор-болбоско эле башкаларга салыштырмалуу кейип-кепчип, сарсанаа боло берерин британиялык окумуштуулар аныктаганын РИА Новости Brain and Behavior журналына шилтеме берүү менен билдирди.html
"Көп сарсанаа болуу айрымдардын жашоосун оорлотот. Андыктан саламаттык сактоо кызматтары кимдер көп сарсанаа болорун билгени жакшы. Жүргүзүлгөн изилдөөдө бардык эле кишилердин сарсанаа болору аныкталды, бирок алардын ичинен 35 жашка чейинки эркектер менен аялдар көп кейип-кепчий турганын билдик", — дейт Кембридж университетинин окумуштуучу Оливия Ремес.
Ал ошондой эле өнөкөт ооруга чалдыккандар да болор-болбос нерсеге кейип-кепчий турганын кошумчалады.
Окумуштуулар АКШ менен Европанын жашоочулары көп сарсанаа болуп, байма-бай депрессияга түшөрүн белгилешет.
