БИШКЕК, 6-июн. — Sputnik. Өздөрүн Ourmine деп атаган хакерлердин тобу Facebook социалдык тармагынын негиздөөчүсү Марк Цукербергдин LinkedIn, Instagram, Pinterest жана Twitter баракчаларын бузганын BBC телеканалы билдирди.
Ourmine тобунун мүчөлөрү мындай ыкма менен Facebook социалдык тармагынын негиздөөчүсүнүн коопсуздугу канчалык корголгонун сынагылары келгенин айтышып, алар менен байланышка чыгууга чакырышкан.
Цукерберг 2012-жылдан бери колдонбогон өзүнүн Twitter сайтындагы баракчасына билдирүү чыгып, ал кийин өчүрүлгөн. Анын Pinterest баракчасына "бузулду" деген жазуу пайда болгон. Ошол эле учурда Цукербергдин Instagram баракчасы бузулганын тактаган маалыматтар жок.
