БИШКЕК, 28-май — Sputnik. Кыргызстанда май айынын аягына чейин жаан жаайт. Бул тууралуу ӨКМ Кыргызгидрометке таянуу менен жазып чыкты.
28-30-майда аба ырайынын туруксуздугуна жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондордо сел жүрүшү мүмкүн.
28-майда Бишкек шаарында жаан жаап, күн күркүрөйт. Абанын температурасы түнкүсүн 13…15 градус, күндүз 22…24 градус жылуу болот.
Ош шаарында дагы жаан жаап, күн күркүрөйт. Абанын температурасы түнкүсүн 12…14 градус, күндүз 24…26 градуска чейин көтөрүлөт.
28-майда кээ бир райондордо өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт. Ал эми 31-майда күн ачык болот.
