БИШКЕК, 27-май — Sputnik. Салыктан баш тарткан "Баткеннефтегазсервис-КАСМ" ишканасына кошумча 11 миллион 812 миң сом чегерилгенин Финансы полициясы билдирди.
Маалыматка ылайык, салык кызматы тарабынан текшерүү жүрүп, аталган компаниянын ири өлчөмдө салыктан баш тартканы аныкталган.
Бул факт боюнча Кылмыш жаза кодексинин 213-беренесинин (Салык төлөөдөн баш тартуу) жана 182-беренесинин (Жалган ишкердик) негизинде кылмыш иши козголуп, тергөө амалдары улантылып жатат.
