БИШКЕК, 26-май — Sputnik. Бишкекте Перинаталдык борбордун тез арада иштей турган бөлүмүнүн курулушунун башталышына арналган салтанат өтөт. Бул тууралуу Саламаттыкты сактоо министрлигинин маалымат кызматы билдирди.
Маалыматка караганда, бүгүн ал салтанаттын алдында аталган министрликте саламаттык тармагы боюнча кызматташкан кыргыз-герман жолугушуусу болот.
"Аталган долбоор Германиянын өкмөтү тарабынан каржыланып, эки тараптын тыгыз кызматташуусунун негизинде ишке ашып жатат", — деп айтылат маалыматта.
Маалымат кызматы учурда эне жана баланын ден соолугун көзөмөлдөө, кан куюу, көрсөтүлгөн кызматтардын сапатын жакшыртуу боюнча иштер жүрүп жаткандыгын кошумча билдирди.
Мындан тышкары кызматташуунун алкагында дагы бир перинаталдык борборду Ош шаарында куруу боюнча долбоорлорду түзүү пландалууда.
