БИШКЕК, 24-май — Sputnik. Ысык-Көл облусунда салык төлөөдөн баш тарткан ишканага 1 миллион 430 миң сом чегерилди. Бул тууралуу Финансы полициясы билдирди.
Маалыматка ылайык, аталган мекеме тарабынан "Кабаснабстрой" ишканасы текшерүүгө алынып, ири көлөмдөгү салыктан баш тартканы аныкталган. Бул кадамы үчүн Мамлекеттик салык кызматы тарабынан ишканага 1 миллион 430 миң сом чегерилген.
Аталган факт боюнча Кылмыш жаза кодексинин 213-беренесинин (Салык төлөөдөн баш тартуу) жана 182-беренесинин (Жалган ишкердик) негизинде кылмыш иши козголуп, тергөө амалдары улантылып жатат.
