БИШКЕК, 23-май — Sputnik. Жалал-Абад облусунун Сузак районундагы мамлекеттик каттоо кызматынын паспорт-виза бөлүмүнүн жетекчилиги чет элдик жарандарга Кыргызстандын жалпы жарандык паспортун (ID-card) бергени үчүн кылмыш иши козголду. Бул тууралуу ИИМ билдирди.
Маалыматка ылайык, паспорттор Россиянын Курган облусунун эки тургунуна 2015-жылы ноябрь айында берилген.
Аталган факты боюнча Жалал-Абад облустук прокуратурасы тарабынан Кылмыш жаза кодексинин 315-беренеси "Чет элдин жарандарына мыйзамсыз паспорт берүү" боюнча кылмыш иши козголду.
Тергөө амалдары жүрүүдө.
