БИШКЕК, 23-май — Sputnik. Афганистан бийлиги "Талибан" радикалдык кыймылынын бир катар тобун тынчтык сүйлөшүүлөргө катыштыруу үчүн каржылап турат. Бул туурасында РИА Новости Wall Street Journal басылмасына таянып кабарлады. Аларга мындай маалыматты коалициядагы булактар билдирген.
Басылмага маалымат берген булактар АКШдан келген жардамдын бир катар бөлүгү талиптердин кээ бир топторун каржылоого жумшалган.
Афганистан президентинин администрациясынын өкүлү "Талибанга" кирген топторго каражат каралгандыгын таптакыр четке какты.
"Афганистандын өкмөтү "Талибандын" бир дагы тобун каржылабайт. Биз мындай жөнсүз күнөөлөөнү четке кагабыз",— деп билдирген Гани.
Газетадагы афган жана америкалык булактар молдо Расулдун тобу Афганистандан курал жана ок-дары түрүндө жардамдарды алгандыгын кабарлаган. Анткен менен мындай маалыматтарды экинчи тарап да четке кагууда.
Афганистандагы террорчулукка каршы коалициянын өкүлү АКШнын жетекчилиги менен согушкерлерге эч кандай колдоо көрсөтүлбөгөндүгүн айтты. Ал эми алардын колунда коалиция техникалары болуп калса, бул афган же америка бийлигинен түз алды дегенди түшүндүрбөй турганын кошумчалаган.
