БИШКЕК, 22-май — Sputnik. Кыргызстанда туристтер арасында желим баштыктын ордуна кагаз баштыктарды колдонууну жайылтуу боюнча сунуштар айтылууда. Мындай сунуш Жогорку Кеңештин коомдук талкууга коюлган "Туризм тармагында мамлекеттик аракеттерди ишке ашыруу жана 2016-жылкы туристтик сезонго даярдыктарды көрүү жөнүндө" токтом долбоорунда айтылат.
Аны парламенттеги "Бир Бол" фракциясы демилгелеген. Анда туристтик сезонго даярдыктарды көрүү каралган. Эгер ал жактырылып калса, өкмөт аны 20-июнга чейин аткарышы керек.
