БИШКЕК, 19-май — Sputnik. Стамбулда КРдин жасалма паспорту менен кармалган 98 уйгур боюнча маселени Ички иштер министрлигине эмес, УКМКга тапшыруу керек. Бул тууралуу эл өкүлү Кенжебек Бокоев парламентте сүйлөп жатып билдирди.
Эске салсак, кечээ Кытайдын Үрүмчү шаарынан Стамбулга учуп келген 98 уйгур Кыргызстандын жасалма паспорту менен кармалган. Бул боюнча Жогорку Кеңеште да талкуу жүрүп, премьер-министр Сооронбай Жээнбеков Каттоо кызматынын жетекчиси Тайырбек Сарпашев менен ИИМ башчысы Мелис Турганбаевге маселенин чоо-жайын иликтөөнү тапшырган.
"Паспорт маселесин өкмөт башчы ИИМге тапшырды. Бул көйгөй өтө олуттуу, андыктан УКМКга берүү керек. МАселени азыр чечпесек, эртең кеч болот. Кыргыздар башка өлкөгө чыкса күмөн саноо күчөйт", — деди депутат.
Ал буга чейин паспорт чуусу боюнча бир да киши жооп бере электигин белгиледи.
