БИШКЕК, 18-май — Sputnik. Жогорку Кеңештин депутаты Алмамбет Шыкмаматов уйгурлардын Түркиядан КРдин жасалма паспорту менен кармалышы Кыргызстандын аброюна доо келтирерин парламентте сүйлөп жатып билдирди.
Анын айтымында, бул маселе чет жакта иштеп жаткан кыргыз мигранттарынан да шек жаратууда.
"Стамбулга учуп келип Жиддага кетүүгө аракет кылган 98 уйгур кыргыз паспорту менен кармалыптыр. Бул эл аралык кылмыш синдикатына айланып бара жатат. Кыргызстандын эл аралык аброю түшүүдө. Мунун арты менен чет жакта жүргөн кыргызстындыктар да шектелүүдө. УКМК жетекчилигин, Сарпашевди чакырып маалымат угалы", — деди Шыкмаматов.
Эскерте сетек, Үрүмчү шаарынан Стамбулга келген 98 уйгур жараны Кыргызстандын жасалма паспорту менен Сауд Аравияга кетүүгө аракет кылганда кармалды.
