БИШКЕК, 15-май — Sputnik. Апта башында Кыргызстандын көпчүлүк аймагында нөшөрлөгөн жаан жаайт. Бул тууралуу Кыргызгидромет билдирди.
Маалыматка ылайык, бийик тоолуу автожолдордо кар күрткүсү түшүп, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетиши мүмкүн.
Бишкек шаарында жаан жаап, күн күркүрөйт. Абанын температурасы түнкүсүн 11…13 градус, күндүз 20…22 градус жылуу болот.
Ош шаарында дагы жаан жаап, күн күркүрөйт. Абанын температурасы түнкүсүн 12…14 градус, күндүз 22…24 градуска чейин көтөрүлөт.
Кыргызгидромет 16-майга чейин туруксуз аба ырайы күтүлүп, тоолуу жана тоо этектериндеги райондордо сел жүрүшү мүмкүндүгүн эскертет.
