БИШКЕК, 15-май — Sputnik. Чүй облусунун Кара-Балта шаарындагы борбордук мечитте дааватчылар билим алып сертификаттарга ээ болушту. Бул тууралуу Кыргызстан мусулмандар дин башкармалыгынан билдиришти.
Маалыматка ылайык, бир айлык окутууга 38 дааватчы катышып, 14-майда аларга сертификаттар ыйгарылган.
"Окутуу курсунун алкагында куран, шариат маселелери жана Кыргызстандын диний чөйрөдөгү мамлекеттик саясатынын концепциясы тааныштырылды", — деп айтылат маалыматта.
Ушундай эле окутуу иш-чаралары Бишкек шаарындагы борбордук мечитте бүгүн аяктап, дааватчыларга сертификаттар ыйгарылат.
