БИШКЕК, 13-май — Sputnik. Таласта жети жашар бала Кызыл-Сай каналына түшүп кетип каза болду. Бул тууралуу ӨКМдин маалымат кызматы билдирди.
Маалыматка ылайык, кырсык Бакай-Ата районунун Ак-Дөбө айылында катталган.
"Жети жашар бала 12-майда саат 18-19 чамаларында сууга чөгүп кеткен. Анын жансыз денесин туугандары суудан издеп табышты", — деп айтылат маалыматта.
Окуя болгон жерге ӨКМдин өрт куткаруу кызматынын куткаруучулары сууга түшүп издеп жаткан адамдарды көзөмөлдөп турушкан.
