БИШКЕК, 12-май — Sputnik. Кыргызстан боюнча АИ-92, АИ-95 жана АИ-98 үлгүсүндөгү бензин бир сомго кымбаттады. Бул тууралуу КР нефтетрейдерлер ассоциациясы билдирди.
Маалыматка ылайык, бензин 12-майдан тарта кымбаттаган. Ал эми дизелдик майлар кымбаттаган эмес.
Күйүүчү майдын кымбатташы Россиядагы нефть заводдорундагы баанын жогорулашына байланыштуу. Ошондой эле буга оңдоо иштеринен улам майды чыгаруунун көлөмү азайганы да таасир берген.
Учурда Бишкек шаарында АИ-92 үлгүсүндөгү бензин — 35, АИ-95 — 38 жана АИ-98 — 43 сомдон сатылууда.
Ал эми Ош шаарында АИ-92 үлгүсүндөгү бензин — 37,5, АИ-95 — 40,5 сомго бааланып жатат.
