БИШКЕК, 2-май — Sputnik. Май айында газдын баасы жарандар жана өнөр-жай ишканалары үчүн да арзандады. Бул тууралуу "Газпром Кыргызстан" ЖЧКсы билдирди.
Маалыматка ылайык, майда бир куб метр газдын баасы жарандар үчүн 33 тынынга арзандап 15,50 сом болсо, ал эми өнөр-жай ишканалары үчүн 38 тыйынга арзандап 18,87 сомдун чегинде бекитилди.
Мындай арзандоолор доллардын курсунун арзандашына байланыштуу экенин ишканадар баса белгилешти. 1-майга карата бир АКШ доллары 68,25 сом деп белгиленген. Ал эми апрель айында доллардын курсу 69,99 сом болгон.
Отун-энергетикалык комплексин жөнгө салуу мамлекеттик агенттиктин буйругуна ылайык, газга болгон тариф ар бир айдын башына карата Улуттук банк белгилеген доллардын курсуна жараша эсептелет.
