БИШКЕК, 5-май — Sputnik. Бишкекте үй уурулугу менен алектенип келген кылмыштуу топ кармалганын шаардык ИИБ билдирди.
Маалыматка ылайык, ШИИБге буга чейин турак жайларга кирип уурулук кылган азиат улутундагы адамдардын тобу тууралуу билдирүү түшкөн.
Иликтөө иштеринин натыйжасында кармалган Токтогул районунун 29 жаштагы тургуну буга чейин сот жоопкерчилигине тартылып, турак колониясынан качып чыкканы үчүн Жаза аткаруу мамелкеттик кызматы тарабынан издөөгө алынган.
Мындан тышкары, анын жанында Өзбекстандын 34 жаштагы буга чейин эки ирет соттолгон шериги бар экени аныкталды.
Кармалгандар Бишкектин аймагында 20дан ашуун уурулук боюнча көрсөтмө берип жатышат. Мында алар үй ичинен тиричилик буюмдарын жана акча каражаттарын алып кетишкен.
Учурда тергөө амалдары жүрүп жатат.
