БИШКЕК, 4-май — Sputnik. Кыргызстандан Уралга учуп кеткен Су-25СМ үлгүсүндөгү россиялык учактар 9-майда Екатеринбургда болуучу парадга катышат. Бул тууралуу РФтин Борбордук аскер округу билдирди.
Маалыматка ылайык, Су-25СМ учактары Кант шаарында авиабазадан Россиянын Шагол аэродромуна учуп кетишти.
"Эртең Москва убактысы боюнча 08.30да учактар Уралдын борборунда боло турчу парадга даярдык көрүү иш-чараларына катышат", — деп айтылат билдирүүдө.
Бул даярдыкка Ми-26 менен Ми-8 тик учактары, Су-24М, Миг-31БМ аскер учактары, Ан-26, Ан-12 менен Л-410 транспорт учактары катышат.
Андан сырткары парадга 2,5 миңден ашык аскер, 100дөй аскер техникасы тартылууда.
