БИШКЕК, 4-май. — Sputnik. Түркия бийлиги жыл башынан бери 85 ири терактынын алдын алгандыгын өлкөнүн вице-премьер-министри Нуман Куртулмуш билдирди. Мындай маалыматты РИА Новости Hurriyet басылмасына таянып кабарлады.
"Атайын кызматтар булардын арасынан 49 учуру террорчулардын өзүн өзү жардыруусу жана жан кечтилер тарабынан автоунааларды жардыруу боюнча терактылар экенин аныктады",— деп жазды Hurriyet басылмасы.
Түркиянын тартип коргоо органдары өлкөдө күч алган терактылардан, анын ичинен Стамбулда болуп, бир топ туристтер каза болгондон кийин болуп кетүүчү бардык кырсыктарга даяр турушат. Аталган трагедияны "Ислам мамлекети" террордук тобу жасагандыгын моюнга алган эле.
