БИШКЕК, 3-май. — Sputnik. Бүгүн Токтоболот Абдымомунов атындагы улуттук драма театрында индия элинин "Махабхарата" эпосунун негизинде спектакль коюлат. Бул тууралуу Маданият, маалымат жана туризм министрлиги билдирди.
"Махабхарата" — байыркы индиялык эпос. Ал "Илиада" менен "Одиссей" эпосторун бириктиргенде да көлөмдүү келет.
Индиянын байыркы улуу эпосу "Махабхаратанын" өзөк окуясынын негизинде кыргыз сахнасында алгачкы ирет "Улуу Бхарата урпактары" спектакли коюлат.
Элдик эпос драматизмге жык толгон курч пьесага, андан спектаклге айланып, артисттердин чебер аткаруусунда элге тартууланат.
Окуя падыша Курунун уулу Бхаратадан тараган Панда менен Дхритараштранын уулдары ортосундагы кудайларга да жакпаган көралбастыктан, зулумдуктан, бийлик-байлык үчүн тиреш окуялары сүрөттөлөт.
