БИШКЕК, 27-апр. — Sputnik. Facebook социалдык тармагында Live-Sex деген жаңы вирус пайда болгону тууралуу Sputnik Кыргызстан агенттигине IT-адис Михаил Дудин билдирди.
Анын айтымында, вирус буга чейин My First Video деген аталышта таркаган вирустун домени аркылуу жиберилип жатат. Домен Косоводо Калтрин Мифтари (Kaltrina Miftari) аттуу жарандын атына катталган.
"Live-Sex аталышындагы шилтемени ачпаш керек. Себеби, ал окшош шилтемелерди бардык досторго жөнөтүп баштайт", — деп билдирет Дудин.
Адис бул боюнча кабатыр болбоого чакырат. Себеби, Facebook аталган кодду өчүрүү боюнча иш алып барып жатканын айтат. Бирок, сак болуу ашыкча болбой турганын эскертет.
Эгер колдонуучу шилтемени басып алган болсо, паролду алмаштырып салуу сунушталат.
