БИШКЕК, 22-апр. — Sputnik. Кыргызстандагы экстремисттик топтордо аялдардын саны жыл сайын көбөйүп жатканын ИИМдин биринчи орун басары Нурбай Касымбаев Нарын шаарында өтүп жаткан форумда айтты. Бул туурасында ИИМдин маалымат кызматы кабарлады.
Форумда экстремизм, террорзим маселелери жана аны ислам дининен айра тааный билүү боюнча маселе көтөрүлүп, талкууга алынды.
"2015-жылы экстремисттик маанайдагы кылмыштуулуктун 1,1 пайызын аялдар түзсө, бүгүнкү күндө 25 пайызга жетти. Уюмдун көпчүлүк мүчөлөрү 22-25 жаштагы жарандар экени бизге маалым. Мунун бардыгы диний сабатсыздыктан улам болуп жатат", — деп билдирген Касымбаев.
Маалымат кызматы форумга күч түзүмдөрүнүн кызматкерлери, Аксакалдар соту, коомдук уюмдардын мүчөлөрү жана жергиликтүү бийлик органдары катышканын билдирди.
