БИШКЕК, 22-апр. — Sputnik. Казак паспорту менен Кыргызстандын аймагына өтүүгө аракет кылган жаран кармалган. Бул тууралуу Мамлекеттик чек ара кызматы билдирди.
Маалыматка ылайык, 21-апрелде "Токмок" көзөмөл өткөрүү пунктунан мыйзамсыз документ менен өтүүгө аракет жасаган.
"Кармалган жарандын айтымында, ал чек арадан Казакстанда жашаган тууганынын паспортун колдонууну көздөгөн, ал эми өзү Россиянын жараны экенин билдирген", — деп айтылат маалыматта.
Тийиштүү документтер толтурулган соң кармалган жаран УКМКнын аймактык кызматкерлерине өткөрүлүп берилген.
