БИШКЕК, 19-апр. — Sputnik. Бишкек шаарынын "Ак-Жар" жаңы конушунда чаян үч жашар баланы чагып алганын Тез жардам станциясынын реанимация бөлүмүнүн башчысы Егор Борисов билдирди.
Бул жаз башталгандан берки үчүнчү окуя. Март айында чаян тогуз жашар бала менен бир кишини чагып алган.
"Дүйшөмбү күнү саат 20:22де "Ак-Жар" жаңы конушунан үч жашар баланы чаян чагып, дем жетпей жаткандыгы тууралуу билдирүү түштү. Тез жардам кызматынын дарыгерлери оң билегин чаян чагып алган балага жеринен жардам көрсөтүштү", — дейт Борисов.
Наристе №3 шаардык балдар ооруканасына жаткырылды.
