Министрлик: ЖРТнын босого баллын 130га чейин жогорулатуу керек

CC BY-SA 2.0 / timlewisnm / no more tests 05.30.09 [150]Жалпы республикалык тестирлөөнүн экзамен барагы. Архив
Жалпы республикалык тестирлөөнүн экзамен барагы. Архив - Sputnik Кыргызстан
Жазылуу
Министр бюджетке тапшырган абитуриент билим алгандан кийин адистиги боюнча 2-3 жыл иштеши керектигин айтып, окуу жайга тапшырып жатканда үч жактуу келишим — университет жана келечектеги жумуш берүүчү менен келишим түзүлө турганын баса белгиледи.

БИШКЕК, 15-апр. — Sputnik. Азыр жогорку окуу жайларга тапшыруу үчүн Жалпы республикалык тестирлөөнүн босого ченин 110 баллдан 130га чейин көтөрүүнү карап жатабыз. Себеби, бизде жогорку билимдүү кадрлар даярдалышы керек. Мындай пикирин билим берүү жана илим министри Элвира Сариева маалымат жыйында билдирди.

Ал мындай аракеттер ЖОЖду оптимизациялоо демилгесинин алкагында ишке ашып жатканын кошумчалады. Министр 110 баллдык босого эмнеге быйыл калтырылганын мындайча түшүндүрдү.

"Быйыл окуу жайларды беш жылдык жана төрт жылдык билим алган көптөгөн студент аяктайт. Андыктан ЖОЖдогу студенттердин саны кескин азаят", — деди ал.

Сариева: жогорку окуу жайлар окуунун баасын өздөрү аныктайт
Сариева ошондой эле аймактарда окуган студенттер Бишкекке же башка жакка которулууну кааласа, сабактардын ортосундагы айырмачылыктар боюнча экзамен тапшырбашы керектигин баса белгиледи. Себеби, бардык ЖОЖдор бирдей стандарт менен билим берип жатканын айтты.

Министр айым бюджеттик адистиктер боюнча артыкчылыктар белгиленип, ошолор гана мамлекет тарабынан каржылана турганын билдирди.

"Азыр айыл чарба адистигине, IT технологиясы, саламаттык сактоо жана педагогикалык кесиптерге артыкчылык берилүүдө", — деди ал.

Министр бюджетке тапшырган абитуриент билим алгандан кийин адистиги боюнча 2-3 жыл иштеши керектигин айтып, окуу жайга тапшырып жатканда үч жактуу келишим — университет жана келечектеги жумуш берүүчү менен келишим түзүлө турганын баса белгиледи.

Жаңылыктар түрмөгү
0