БИШКЕК, 14-апр. — Sputnik. Экинчи Дүйнөлүк көчмөндөр оюнун ачылыш аземинде 1000 комузчунун бир учурда күү аткаруусу пландалууда. Бул тууралуу Sputnik Кыргызстан агенттигине Экинчи дүйнөлүк көчмөндөр оюнун өткөрүүчү топтун координатору Дарика Асылбашева билдирди.
Ал иш-чарага жалпы өлкөдөн комузчулар чогуларын айтты.
"Азырынча "Кербезим" күүсүн аткаруу пландалууда. Миң комузчунун күү аткаруусун Гиннестин рекорддор китебине киргизүүнү көздөп жатабыз ", — дейт Асылбашева.
Эске сала кетсек, Кыргызстан быйыл Экинчи Дүйнөлүк көчмөндөр оюндарын өткөрүүгө белсенип жатат.
Былтыр 9-14-сентябрь күндөрү Кыргызстандын демилгеси менен Биринчи Дүйнөлүк көчмөндөр оюндары өткөн. Анда спорттун 10 түрү боюнча 19 өлкөдөн келген спортчулар ат салышкан.
