БИШКЕК, 14-апр. — Sputnik. Улан-кыздар арасында борбор калаанын гимнастика боюнча ачык чемпионаты аяктап, ага Казакстандын Шымкент, Караганда шаарларынан жана Бишкектен 60дан ашык спортчу катышты. Мелдеш 12-13-апрелде Шералы Сыдыков атындагы олимпиадалык училищеде өткөн.
Анын жыйынтыгында балдар арасында "Спорттун чебери" категориясында биринчиликти Константин Руденко (Шымкент), экинчи орунду – Роман Пак (Бишкек) жана үчүнчү орунду Эрик Меннибаев (Бишкек) алды.
Аталган мелдеште Нурсултан Мамашарипов, Эмир Акматов, Амалия Чернышова, Настя Ферен, Даша Истомина, Дарья Минеевалар түрдүү категорияда биринчиликти камсыздашты.
Спорттук иш-чара Бишкек шаардык дене тарбия жана спорт комитети тарабынан өткөрүлгөн. Жеңүүчүлөр шаардык спорт комитетинен диплом, медаль жана баалуу белектерди алышты.
