БИШКЕК,12-апр. — Sputnik. Кыргызстандын үч жараны кыргыз-казак чек арасы аркылуу мыйзамсыз өтүүгө аракет кылган жеринен кармалды. Бул тууралуу Мамлекеттик чек ара кызматынан билдирди.
Ага ылайык, 2016-жылдын 11-апрелинде "Чалдыбар-автодорожный" өткөрүү пунктун Кыргызстандын үч жараны айланып өтүүгө аракет кылган. Аталган жарандардын документтерин текшерген учурунда аларга өлкөдөн чыгууга тыюу салынганы аныкталган.
Кармалган жарандар ИИМге өткөрүп берилип, учурда тергөө амалдары жүрүп жатат.
