БИШКЕК, 12-апр. – Sputnik. Бишкек шаарынын мэриясынын Капиталдык курулуш башкармалыгынын жана ШИИБ кызматкерлери үчүн мамлекеттик тил боюнча сабактар өтүлүп жатат. Бул тууралуу Бишкек мэриясынын маалымат кызматы билдирди.
Окуу курсу “Кыргыз Республикасынын мамлекеттик тили жөнүндө” мыйзамын ишке ашыруу максатында өткөрүлүп жатат.
Катышуучуларга иш кагаздарды мамлекеттик тилде жүргүзүү боюнча электрондук материалдар, "Кыргызтесттин" талаптары А1, А2, В1,В2,С1" китебинин, "Юридикалык атоолордун жана башка түшүнүктөрдүн орусча-кыргызча сөздүгүнүн" электрондук варианттары жана "Орусча-кыргызча сүйлөшмө" китепчелери берилди.
Мамлекеттик тилди үйрөнүү (А2, В1 деңгээлдери) боюнча "Кыргызтест" тестирлөөсүнө даярдык көрүү үчүн окуу курсу үч айга созулат.
