БИШКЕК, 4-апр. — Sputnik. Бишкек – Нарын – Торугарт унаа жолунун 312-чакырымында болжол менен 700 метр куб көлөмүндө таш кулап, жолдун бир тилкесин жаап калды. Бул тууралуу ӨКМ билдирди.
Маалыматка ылайык, окуя 4-апрелде түнкү саат 00:10 чамасында Бейше-Булак участкасында болгон. Адам өмүрүнө зыян келтирилген эмес, кыйроолор жок.
Жеринде тартипти сактоо максатында таш кулаган аймактын эки тарабынан пост коюлган. Жолду тазалоо үчүн аны оңдоп жаткан кытайлык "COPRI / SINOHYDRO JOINT VENТURE" жол куруучу компаниясынан сегиз кызматкер, бир жүктөгүч, бир самосвал, бир экскаватор тартылып, жол кеңейтилип, жумуш саат 03:28де убактылуу токтотулган.
Учурда тазалоо иштери улантылууда.
