БИШКЕК, 1-апр. — Sputnik. Ош облусунда диний туризмди өнүктүрүүгө аракеттер көрүлө баштаганын Кыргызстан мусулмандарынын дин башкармалыгы билдирди.
Облустун казыят кызматкери Ыйман Матраимовдун айтымында, иш-чара Туризм департаменти менен биргеликте жүргүзүлүүдө. Ага ылайык, облустун казыяты "Сулайман-Тоо" тарыхый музей комплексинин жетекчилиги менен чогуу аймактагы диний объектилер тууралуу маалымат чогултууда.
Муфтият диний тарыхый объектилер жөнүндөгү маалыматтарды жайылтуу элдин диний маданиятын жогорулатууга, исламдын баалуулуктарын даңазалап, экономиканы көтөрүүгө жол ачыларын белгилейт.
