БИШКЕК, 30-мар. — Sputnik. Egypt Air компаниясынын басылып алынган А320 учагы Египеттин борбору Каирге келип конду. Бул тууралуу РИА Новости билдирди.
Белгилей кетсек, 29-мартта Александрия – Каир каттамы боюнча учкан А320 үлгүсүндөгү учакты белгиси жаран басып алып, белине байланган жарылуучу затты жардырам деп учкучтарды жана жүргүнчүлөрдү коркутуп, учак Кипрдеги Ларнака аэропортуна шашылыш конгон болчу. Анын ичинде 55 жүргүнчү жана экипаждын жети мүчөсү болгон.
Учакты басып алган жаран Сейф ад-Дин Мустафа экени аныкталып, ал кармалган. Анын жанында эч кандай жарылуучу зат болбогону аныкталган. Бул окуядан эч ким жабыркаган эмес.
Эгер Мустафанын күнөөсү аныктала турган болсо ал 10 жылга чейин кесилиши мүмкүндүгүн Египеттин ЖМКлары билдирген.
