БИШКЕК, 29-мар. — Sputnik. Белгисиз кишилер тарабынан басып алынган Египет аба жолдоруна таандык учак Кипрдеги Ларнака аэропортуна шашылыш конду. Бул тууралуу Sputnik Türkiye маалымат агенттиги билдирди.
Айрым маалыматтарда учактын ичинде куралчан кишилер болушу ыктымалдыгы айтылууда. Учактын ичинде 55 жүргүнчү жана жети экипаж бар.
Кипрдик саясатчы Андроулла Вассилиоу өзүнүн Twitter социалдык тармагындагы баракчасына учакты басып алгандар аялдар менен балдарды бошотуу үчүн курчап турган полициянын кетүүсүн суранганын жазды.
Hijackers asked all police forces to leave the area in order to release women and children passengers.....
— Androulla Vassiliou (@VassiliouEU) 29 марта 2016 г.
Египет аба жолдоруна таандык Airbus 320 учагы Александрия аэропортунан учуп чыккандан кийин басып алынган. Египеттин тийиштүү кишилери учакты басып алгандар менен сүйлөшүүлөрдү жүргүзүп жатканын Sputnik Türkiye белгиледи.
