БИШКЕК, 23-мар. — Sputnik. Францияда өтө турган Евро-2016 турниринин айрым оюндарында теракт коркунучунан улам трибуналар бош калышы мүмкүн экенин Европа футбол ассоциация союзунун (UEFA) вице-президенти Джанкарло Абетеге таянуу менен CNN каналы билдирди.
Шейшемби күнү Брюсселде бир нече теракт болуп, аэропорт менен метролордогу жардыруу 34 кишинин өмүрүн алып кетти. Мындан тышкары, 230 адам жарадар болгон.
"Бельгияда болуп өткөн терактылар абдан кооптондурат, андыктан айрым беттешүүлөр көрүүчүсүз өтүшү толук ыктымал", — деди вице-президент.
Өз билдирүүсүндө Абете Парижде ноябрь айында болуп өткөн терактылардын да изи сууй электигин билдирди.
Атка минер коопсуздук чаралары күчөтүлүп, тернирдин финалдык оюну жылдырылбай турганын белгиледи.
Европа чемпионаты Францияда 10-июндан 10-июлга чейин өтөт. Турнирдин финалы Парижде 10-июль күнү болот.
