БИШКЕК, 23-мар. — Sputnik. Кыргызстан менен Казакстандын студенттери академиялык алмашуу программасын ишке ашырууда. Бул тууралуу уюштуруучулар билдирди.
Маалыматка ылайык, Исхак Раззаков атындагы Кыргыз мамлекеттик техникалык университетинин төрт студенти менен Алматыдагы Казак улуттук агрардык университетинин (КазНАУ) төрт студенти GIZ академиялык алмашуу программасынын алкагында бир айлык программадан өтөт. Анда кыргыз студенттери Алматыга барса, казак студенттери Бишкекке келип билимин улантат.
GIZ академиялык алмашуу программасы келерки жылдан тартып Германия, Тажикистан өлкөлөрү менен студенттерди алмашуу программасын ишке киргизүүнү көздөп жатат.
GIZ академиялык алмашуу программасы — бул Орто Азиядагы билимдин сапатын жакшыртууга багытталган программа. Ал өлкөлөр ортосундагы студенттер менен алмашуунун негизинде ишке ашат.
