БИШКЕК, 14-мар. — Sputnik. Кыргызстандын айрым аймактарында үшүк жүрүшү күтүлөт. Бул тууралуу Гидрометеорология агенттигинин жетекчисинин орун басары Рыскелди Асанкожоев "Биринчи радио" аркылуу билдирди.
Буга чейин Кыргызгидромет 13-марттан тарта аба ырайы кескин өзгөрүп, көпчүлүк аймактарда жаан, тоолуу райондордо кар жаашы күтүлөөрүн айткан.
"18-19-мартта Чүй, Талас, Кемин, Сокулук аймактарында жана тоо этектеринде үшүк жүрүшү күтүлүүдө", — дейт Асанкожоев.
Анын айтуусунда, өлкөдө аба ырайы 3..7 градуска чейин төмөндөп, жаан-чачын 20-мартка чейин созулат.
