Бишкектин дагы бир тургунун чаян чагып алды

Жазылуу
Yandex newsTelegram
Бул эки күн ичиндеги экинчи окуя. Буга чейин Ак-Жар конушунда 9 жашар баланы да чаян чагып алган.

БИШКЕК, 2-мар. — Sputnik. Бишкектин дагы бир тургунун чаян чагып алганын медициналык тез жардам кызматынын реанимация бөлүмүнүн башчысы Егор Борисов билдирди.

Окуя "Ак-Жар" жаңы конушунда болгон. Бул эки күн ичиндеги экинчи окуя. Буга чейин Ак-Жар конушунда 9 жашар баланы чаян чагып, балага үйүнөн медициналык жардам көрсөтүлгөн. 

"1-март күнү саат 19:56да 35 жаштагы калаа тургунун чаян чагып алгандыгы тууралуу маалымат түштү. Жабырлануучуга тез жардам көрсөтүлүп, Бишкек шаардык илимий-изилдөө, травматология жана ортопедия борборунун токсикология бөлүмүнө жаткырылды. Ден соолугуна коркунуч жок", — дейт Борисов. 

Анын айтымында бир жыл ичинде чаян чагуу фактысы орто эсеп менен беш жолу катталат.

Биология илимдеринин доктору Жамиля Карабекованын айтымында мурда чаяндар орношуп алган аймактарга жаңы конуштар пайда болуп жаткандыктан, алар эл менен аралашып калган.

"Бирок, жаңы конуштарда элдин саны көбөйгөн сайын чаяндар тынчтыкты издеп, башка жакка жер которуп кетиши мүмкүн", — дейт Карабекова.

Анын айтуусунда, чаяндар илгертен эле Кыргызстандын аймагында жашап келген. Анын уусу адамды өлтүрбөйт, буга ылайык коркуунун кажети деле жок. 

Жаңылыктар түрмөгү
0