БИШКЕК, 19-фев. — Sputnik. Бишкек — Ош унаа жолунда эки унаа кагышып, бир адам каза тапты. Бул тууралуу Өзгөчө кырдаалдар министрлигинин маалымат кызматы билдирди.
"Мазут алып бара жаткан "MAN" үлгүсүндөгү оор жүк ташуучу унаа менен "Mersedes-Benz" автосу Бишкек — Ош унаа жолунун 381-чакырымында кагышып кетти", — деп айтылат маалыматта.
Мазут төгүлгөн эмес. Бирок, кырсыктын кесепетинен бир адам каза таап, эки адам жабыркаган.
Окуя болгон жерге тез жардам кызматы жетип келип, Кара-Көл шаардык ооруканага жеткирилгени маалыматта белгиленет.
