БИШКЕК, 9-фев. — Sputnik. Sputnik радиосу тарабынан даярдалган атайын долбоорунун февралдагы чыгарылыштары "Новости" басылма агенттигинин ишмердүүлүгүнө арналат. Бул тууралуу "Россия сегодня" Эл аралык маалымат агенттиги билдирүүдө.
"Тарых жаңылыктан башталат" аттуу долбоор бүгүнкү күндөгү журналистиканын тарыхын — Совинформбюродон баштап "Россия сегодня" агенттигине чейинки басып өткөн жолун баяндоону улантат.
Долбоордун программасын Sputnik радиостанциясынын Совинформбюронун 75 жылдыгына арналган иш-чарасынын алкагындагы орус тилиндеги түз обосунан жана кайталап уктуруудан таанышууга болот.
"Февраль айындагы чыгарылыштар "Новости" басылмасынын ишине арналат. Анда согуштан кийинки убакта агенттик алдында турган жоопкерчилик, басылманын чет жактагы ишмердүүлүгү кеңири берилет. Угарман бүгүнкү күндүн эпкинин сезе алары бышык, бирок ал башка мезгил эле. Биздин долбоор ошол доордун өзү менен таанышууга мүмкүнчүлүк берет", — дейт Sputnik агенттигинин орус тилдүү берүүлөрүнүн директору.
Совинфорбюронун 75 жылдыгына арналган мааракелик иш-чаралар 2016-жылдын аралыгында өтөт. Мында сүрөт көргөзмөлөрү уюштурулуп, "Левитандай сүйлөйбүз" аттуу сөз чеберчилигинин сынагы жана башка көптөгөн иш аракеттер каралган.
"Россия сегодня" ЭМА — дүйнөдөгү окуяларды ыкчам, салмактуу жана объективдүү чагылдырып, башкы окуяларга карата түрдүү көз караштар жөнүндө маалымат берип турууну башкы милдети катары көргөн эл аралык медиатоп. "Россия сегодня" ЭМА маалымат ресурстарынын катарын РИА Новости, Р-Спорт, РИА Недвижимость, РИА Рейтинг, ИноСМИ агенттиктери түзөт. "Россия сегодня" россиялык ЖМКлар арасында өзүнө шилтеме жасоолор жагынан алдыда туруп, өз брендине чет өлкөлөрдө таянууларды өстүрүүдө. Агенттик ошондой эле россиялык социалдык тармактарда жана блог тармагында да өзүнө шилтеме жасоолор жагынан алдыда келе жатат.
