БИШКЕК, 18-янв. — Sputnik. КРдин Башкы штабынын артиллериялык тобу менен ӨКМдин ыкчам тобу Бишкек – Ош унаа жолунун 226-чакырымында жети жолу артиллериялык снаряд атып, андан көлөмү 37 500 кубометр болгон кар түшкөн. Бул тууралуу ӨКМдин маалымат кызматы билдирди.
17 Үчтүн айы 2016, 17:15
Маалыматка ылайык, түшкөн кар унаа жолго жеткен эмес. Ушул күнгө чейин аталган кан жолдогу карды түшүрүү үчүн камдалган 75 снаряддын үчөө атылбай калган.
Бишкек – Ош унаа жолунун 121-138чи жана 198-265-чакырымдарында коопсуздукту камсыздоо жана адамдардын зыян болушуна жол бербөө үчүн 13-январдан 20-январга чейин артиллериялык куралды колдонуп, карды атайылап атып түшүрүү зарылдыгы келип чыккан.
