БИШКЕК, 18-янв. — Sputnik. Былтыр Улуттук Банктын эл аралык валюта резерви 100 млн. долларга азайып кеткен. Бул туурасында финансылык институттун маалымат кызматы кабарлады.
Январдын башында Улуттук банктын (УБ) камдарынын көлөмү 1 млрд. 874,8 миллион долларды түзгөн.
Декабрдын аягында ал 1 миллиард 778 миллион 280 миң долларга чейин азайып кеткен. Бул 96,5 миллион долларга кыскарды деген көрсөткүч.
Былтыр Улуттук Банк рынокко 40 ирет чыкса, алардын ичинен 35 жолу валюта саткан. Быйыл УБ валютаны ар күнү сатыкка чыгарып турду. Мисалы, 14-январга карата 49,9 миллион доллар сатылса, алардын 12,2 миллиону нак берилген.
