БИШКЕК, 16-янв. — Sputnik. Түркиянын Pegasus Airlines бюджеттик авиакомпаниясы Россияга болгон каттамдары кайрадан ишке киргизилгенин жарыялады. Аба каттамдары буга чейин виза режиминин киришине байланыштуу убактылуу токтотулган.
Россиянын Тышкы иштер министрлигинин расмий өкүлү Мария Захарова авиакомпания 1-январдан тарта Россия Түркияга визалык режимди киргизгенин билип туруп, экипаждын визасы боюнча кам санабаганын билдирди. Өкүлдүн айтымында Pegasus Airlines визага болгон билдирүүнү 6-январда гана жиберген.
Ал эми авиакомпаниянын расмий сайтына илинген маалымат боюнча виза маселеси Түркиянын Тышкы иштер министрлиги менен жарандык авиация департаменти жана Россиянын Анкарадагы элчилигинин колдоосу менен ишке ашкан. Буга ылайык 4-январдан тарта токтолуган учак каттамдары 15-январдан баштап кайрадан иштей баштады.
Pegasus авиакомпаниясынын учактары Стамбулдан Москва менен Краснодарга түз каттайт.
