БИШКЕК, 14-янв — Sputnik. Каба уулу Кожомкул атындагы спорт сарайында Маданият жана тарых жылына арналган бокс боюнча биринчилик башталды. Бул туурасында Жаштар, дене тарбия жана спорт боюнча мамлекеттик агенттиктин маалымат кызматы билдирди.
Турнирдин ачылышы кечээ болгон. Мелдештерге Кыргызстандын бардык облустарынан 1998-1999-жылы туулган 120 спортчу катышат.
Биринчиликти өткөрүүнүн максаты — Кыргызстандын бокс боюнча күчтүү курама командасын түзүү үчүн мыктылардын мыктысын тандап алуу.
Беттешүү 10 салмактык категорияда (49, 52, 56, 60, 64, 69, 75, 81, 91 килогрмаммга чейинкилер жана андан жогорку салмактагылар үчүн) өтөт.
Финалдык беттешүүлөр 16-январда өтөт.
Быйылкы жыл Кыргызстанда Маданият жана тарых жылы деп жарыяланды.
